تفاصيل ودراسه جدوى مشروع تسمين الدجاج الابيض

مشروع تسمين الدجاج الابيض
هانتكلم عن مشروع صغير كويس جدا لو اتنفذ صح وهو مشروع تسمين الدجاج الابيض..قبل مانبدأ محتاجين نعرف شويه حاجات:
1-اسعار الكتكوت وادجاجه مرتبطه ببورصه خاصه بالدجاج يعنى مش ثابته يوم فوق ويوم تحت.
2-مينفعش تحسب المكسب على دوره واحده وتقيس عليها..القياس بيكون على 6 دورات ودا المعدل السنوى..يعنى فى اخر السنه تبدأ تحسب مكاسب ال6 دورات مجتمعين علشان تعرف جدوى المشروع بالنسبه ليك.
3-اهم عوامل نجاح المشروع 3 حاجات اولا: نوع كتكوت كويس..ثانيا:نوع علف كويس.. ثالثا الاهتمام والرعايه السليمه (العامل البشرى).
نتكلم بقى عن تكاليف انشاء المشروع وجدواه الاقتصاديه..فى حاجه اسمها اصول ثابته يعنى دى مش بتجيبها كل دوره..بتجيبها مره 
واحده لما تبدأ وخلاص على كدا..ودى العدد والادوات زى السقايات والعلافات والشفاطات والدفايات وطبعا المكان
نتكلم دلوقت عن دراسه جدوى تسمين 1000 كتكوت ابيض

دراسه جدوى تسمين 1000 كتكوت ابيض

  • 1000 كتكوت *6ج متوسط =6000
  • الكتكوت الواحد بياكل طول دوره التسمين تقريبا حوالى 3.4 كيلو علف علشان يوصل وزن الكتكوت ل 2.2كيلو متوسط
  • سعر كيلو العلف تقريبا 6.5 متوسط
يبقى 1000 كتكوت * 3.4 متوسط استهلاك العلف للكتكوت *6.5 سعر كيلو العلف =  22100 جنيه قيمه العلف
مرتب العامل تقريبا 2500 فى الدوره
ادويه وتحصينات (وان كنت مابنصحش بيها الا فى حاله الاصابه يعنى يكون علاج مش عمال على بطال) جنيه واحد للكتكوت يعنى 1000 جنيه للدوره
ماء وكهرباء تقريبا 1500 ج فى الدوره
يبقى اجمالى مصاريف الدوره 6000 كتاكيت + 22100 علف + 2500 مرتب عامل +1000 تحصينات + 1500 مايه وكهربا = 33.100 جنيه اجمالى مصاريف الدوره
البيع بقى..هانقول فى 50 كتكوت نافق يبقى هانبيع 950 دجاجه بوزن 2.2 متوسط * سعر البورصه 26 ج متوسط يبقى 54.340 هانخصم منهم التكاليف 33.100 يبقى صافى ربح 21.240 تقريبا فى الدوره

طبعا كل التكاليف فى الدراسه دى فى مصر وهى  تقديريه ومتغيره  بحسب سعر البورصة

لو فى اى تعليقات او أسألة سيبوها فى التعليقات وهانرد عليكم بأذن الله

ليست هناك تعليقات:

إرسال تعليق

اذا كان لديك تعليقات بخصوص المشروع أو أسئلة واستفسارات عن اى مشروع صغير او طلب تفاصيل مشروع صغير تحب طرح موضوع عنه من فضلك اكتبها في التعليقات وسنقوم بالرد عليكم ان شاء الله

محتويات الموضوع